天： 2015-10-05

老師，給我2份功課就夠喇！

平日平均一天有6-8份功課，一份做15分鐘，坐定定唔休息全部識晒唔駛問唔扭計唔痾尿摩打手霍金腦要用1小時30分鐘完成。 平均學校上課時間8:30am – 3:30pm, 唔計交通時間，岩岩好5點準時收工，仲未計温默書。8個半鐘，呢個已經係最理想的情況，其實都真係幾理想，呢個情況應該只有小一小二會出現，點解小朋友番學仲慘過番工架？ 做功課是要將所學到的知識鞏固，但似乎小朋友甚至學校都忽略了這個點。學校功課多啲可以練習多啲學習從唔同角度解題？適可而止就好了。小朋友由於長期應付大量”唔知點解要做” 既功課，開始對功課產生恐懼，漸漸對有大量功課的學科感到厭惡，而通常都是主科。 以前的上下午班上課時間大約是7:30-12:30，12:30-5:30，平均5小時，已包括了體育音樂藝術課。功課同而家差唔多，所以6個半小時後就可以睇電視，去玩，去上興趣班。全港小學轉全日制後，如果學校時間安排得好，本來係一件好事，小朋友可以响學校完成功課，番到屋企可以自由，又唔駛因為功課破壞親子關係。 -小小補習老師- 好多學校最後一堂都是功課堂，一堂35分鐘，所以學校應該每日只給小朋友做2份功課就得喇。